Willemstad Curacao: Ministerio Públiko (OM) #Kòrsou a ehekutá resientemente 5 veredikto di wes. Ta trata di un suma di alrededor di 286.000 florin ku a keda konfiská den diferente valuta i ku mientrastantu e plaka a keda depositá den Fondo di #Kriminalidat di Kòrsou.
Ta trata di sumanan di plaka ku a keda konfiská den añanan 2016, 2017 i 2018 for di sospechosonan ku mientrastantu a keda kondená do di #Wes miéntras ku e plaka a keda ‘verbeurd verklaard’, esta ekspropiá. Ta trata di e kasonan: G.A.H.C. (Kòrsou, 1987) na 2016 sentensiá pa labamentu di plaka. V.D. (Rumania, 1968) na 2017 pa ladronisia i estafa. S.N.L. (Ulanda, 1987) na 2017 kondena pa violashon di Lei di Opio. A.A.N. (Kòrsou, 1971) na 2016 kondena pa labamentu di plaka. G.U.M.O. (Kòrsou, 1972) na 2018 pa violashon di lei di Opio.