E skol di Taekwondo Olympia Taekwondo Association i e selekshon di Curacao resientemente (17-11-2018) a partisipá na un kompetensia international di Taekwondo ku a tuma lugá na Aruba. Na e kompetensia aki titulá Best of the Best powerade taekwondo cup, a partisipá Curaçao, Venezuela, Aruba, Chile, Colombia, USA, Canada, Santo Domingo, Ecuador i Sürnam. Na e kompetensia aki ta e atletanan ku a wòrdu selektá so por a kompetí. Tabata un kompetensia di hopi nivel.
Den e biahe deportivo ku éksito aki e skol di Taekwondo Olympia Taekwando Association, a partisipá ku 5 atleta i selekshon ku 4 atleta. E atleta nan aki a sa di hasi un hopi bon trabou. Tur e atleta nan a kompetí den 2 pul I tambe tin di nan ku a haña personal challenge. Harish Roojer a sa di kue best Fighter. E logro nan ta Quishon Donker plata, Thyxainely Paredes plata, Thaveon Donker 1 oro I 1 plata, Harish Roojer 3 oro, Harif Roojer oro, Rahim Antonio 2 oro i pa e parti di selekshon nos tin Dylano Streedel 2 oro i plata, Shadeon Donker 1oro i 1 plata, Reniel Roch 1 oro i 1 plata I Theodore Heyliger plata.
OTA i selekshon di Curaçao kier a yama un danki spesial tambe na nos entrenadó ku ta Gilson Lourens pa e bon trabou ku e ta hasiendo. Olympia Taekwondo Assocation por bisa ku aña 2018 tabata un aña eksitoso. Keda pendiente pa mas di OTA