Olifante di un circo ta cay riba publico y ta causa polemica na Alemania

0
RBC Juli 2018
Funmiles-2018

BERLIN, Alemania- Un olifante cu tabat participando den un funcion di circo den e ciudad di Osnabrück a cay riba un grupo di bishitante di e circo. Esaki a sososde despues cu e olifanti a perde control riba escenario. E incidente, cu a tuma luga diaranson, a provoca un debate rigido tocante e uzo di animalnan salvaje den e tipo di espectaculonan aki, segun e cadena RTL.

E sucedido a keda graba ora cu un di e tres olifantenan cu tabata participando den un acto, diripiente a dal den e otro, el a push’e cu rosa y esaki a cay hunto cu su jinete riba e publico. Afortunadamente, e situacion no tabata tin perdidanan di lamenta y solamente un persona a sufri lesionnan grave. E responsabelnan di e evento ta buscando e causa di e comportamento di e ehemplarnan aki y ta di opinion cu tabata tin un mal comunicacion entrenan.

Di otro banda, algun politico ta exigi pa prohibi crianza di animalnan den circonan y activista di derecho di animal ta considera su cautiverio inapropia y di ta un tortura pa nan. Segun e organisacion PETA (People for Ethic Treatment of Animals) e olifantenan uza den e circo aki ta pasa 18 pa 20 ora pa dia hinca den stalnan chikito.

Comments

comments

C: Heineken
new india