Durante patruya polis di Noord a core banda di e club nocturno Olde Molen pa asina controla e ora di ceramento. Eynan nan a constata cu ainda e club tabata habri. Esaki a wordo cera pa patruya di Noord.
Riba e mesun dia, algun ora mas laat, Comandante na Warda a dirigi patruya di Noord, un biaha mas na “Olde Molen”. Segun e comandante na warda dicho club nocturno ainda tabata habri. Eynan nan a wak cu for di pafo, e luga tabata cera.
Pero ora cu nan a drenta paden controlando e prome piso, nan a nota cu tabata tin varios persona eyden. Tambe por a scucha musica y tabata bon cla cu e club nocturno “Olde Molen” ainda tabata habri papublico, mientras cu ta conoci na polis cu riba dasabra te cu 3’or e mag di keda habri. Eynan tabata tin mas di 150 persona, algun di nan tabata baila, algun di nan sinta na bar bebiendo bebidanan alcoholico. Polis a papia cu security kende na e momento tabata esun encarga, e homber HJVL, kende a lage sa bon cla di e ora di ceramento. Aki un proces verbaal a cay. Central a wordo poni na altura.