SANTA CRUZ DE TENERIFE, Islanan Canario – E mal tempo cu a causa olanan di varios piso di haltura a causa evacuacionnan den dos localidad di e isla.
Riba red un impactante grabacion a keda difundi, cual a wordo filma den e localidad di Mesa del Mar, den e municipio di Tacaronte, riba e isla Spaño, Tenerife. Durante un mal tempo cu ta azota Islanan Canaria desde diasabra, specialmente den e costa noord di Tenerife, un ola grandi a destroza varios balcon di e edificio Marisol, situa den e costa yegando te na e di tres piso.
Aunke e hecho no a laga niun hende herida, e acceso na 67 apartamento a keda restringi. Den e localidad di Garachico, e ola grandi a causa e evacuacion di otro 39 persona for di dos block di apartamento. Den un di e edificionan aki, e ola a kibra un balcon di e di tres piso.
E prohibicion lo keda na vigor mientras e situacion di alerta pa e temporal maritimo declara pa gobierno. Lo realisa un evaluacion tambe di e dañonan causa pa e tormenta.