Ola di denuncia di abuso sexual contra di ex presidente di Costa Rica

SAN JOSE, Costa Rica – E balor di un muhe pa denuncia na Ministerio Publico un supuesto violacion di e ex presidente y Premio Nobel di Paz, Oscar Arias a desata un ola di denuncia di abuso contra di e politico mas poderoso y reconoci den e pais den e ultimo decadanan.
E dokter y activista pa e desarme nuclear y activista pa e desarme nuclear Alexandra Arce von Herold tabata esun cu tabata tin e curashi di haci e prome denuncia contra di Arias na Ministerio Publico dialuna ultimo, pa un supuesto violacion cu lo a tuma luga na 2014 na e cas di e politico, unda cu e activista tabata ta pa busca apoyo pa e causa contra di armanan nuclear.

E caso a wordo revela pa e Semanario Universidad, medio cu a publica e relato di e muhe, cu a bisa cu desde cu e violacion aki a tuma luga el a pasa pa diferente estadonan di animo cu na cierto momento e tabata anhela pa lubida, y den otro, e tabata sinti e animo di entrega denuncia.

Segun e muhe, e decision di entrega e denuncia di demanda ta debi cu e ta considera cu ta existi un contexto di apoyo despues di cu mas muhe a entrega denuncianan similar y cu a wordo atendi.
E muhe a afirma cu den e demanda e no ta pidiendo niun indemnisacion economico. E denuncia di biaha a haya ‘backlash’ den e pais for di sectornan politico y gubernamental hasta ariba rednan social, den su gran mayoria den rechaso na e violencia contra muhe y pidiendo husticia.
E abogado specialista den genero y derechona humano, Larissa Arroyo a splica cu ainda ta existi miedo na entrega denuncia pa parti di e victimanan di e tipo di delitonan aki na Costa Rica.

Comments

comments