Ola di calor sutando area west di Merca

Ta existi peligro cu e recordnan historico di temperaturanan halto lo wordo kibra e siman aki. Tin un ola di calor peligroso cu ta cubri gran parti di west di Merca, un zona cu ta roga pa humedad debi na un secura sin igual cu ta pasando aden.

E temperaturanan record lo no causa mas cu sigui cu e circulo vicioso cu hopi biaha ta produci door di securanan, unda e shelonan caluroso y sin nubia ta causa un aumento di evaporacion di e poco awa cu tin den e lagun y riunan, e Meteorologo di CNN Brandon Miller a comenta.

Vigilancia di e secura di dia 10 di juni ultimo a categoriza mayoria di e area zuidwest di Merca pasando den condicionnan di secura extremo pa excepcional. E calor cu tin e siman aki ta empeora e panorama.

E ta un señal di cambio climatico, unda cu aumento di temperaturanan pusha pa e circulo vicioso, specialmente na luganan manera west di Merca, unda yobida a baha notablemente.

Al menos 12 estado a haya alerta di advertencia, vigilancia of aviso relaciona cu e calor, ya cu e temperaturanan ta riba 37 grado Celsius y ta menasa di supera e recordnan anterior, for di California te na Rocky Montains Nort.

Tin alerta di calor excesivo te na Montana. Nan a pronostica cu e temperatura maximo di 37.7 grado celsius lo wordo kibra awe, cual ta data di 1918 na Sheridan. No tin e cifra di awe ainda.

Comments

comments