AZV tin basta aña ta recorda riba e importancia di e zorgpa di AZV, Sra. Solange Tchong, vocero di AZV ta amplia.
Te cu awo, na 2018 AZV tin 22280 servicio cu a tuma luga via AZV. Esaki ta encera tanto e renobacion di e carchi di AZV, pero tambe diferete otro servicionan cu nan ta duna. Nan ta haci inscripcion di baby, cambio di adres. Tambe 2 biaha pa aña cambio di botica y dokter di cas. Esaki ta periodonan piek. Si compara tin aworaki, 22.280 servicio duna na e 3 localidadnan. AZV tin un oficina na ImSan, den e MFA building na Noord, y esun principal na Camacuri.
Den 2018 tabata tin e servicionan aki, si compara cu aña pasa, na 2017, den e period aki tabata 21.869 servicio. Esey kiermen cu tabata tin un crecemento chikito den e servicionan. Loke ta importante, ta cu nan oficina na Oranjestad, ta keda toch esun cu ta maneha e gran mayoria di nan clientenan. P.e. e aña aki, tin 14.270 servicio duna, compara cu loke ta yama e dependancenan (San Nicolas y Noord), unda ta wak cu ta parti na San Nicolas den 4653 servicio y na Noord, 3.305 servicio. AZV ta monitor con e desaroyo ta bay. Y por wak cu e localidad cu mas ta wordo frecuenta ta e AZV na Camacuri. E no ta kita afo, cu ta importante pa e public na San Nicolas y Noord, keda haci uzo di nan servicionan aki, ya cu ta Brinda e servicionan aki cu hopi animo y energia na e publico. AZV kier ta un tiki mas cerca di su clientenan.
ZORGPAS
Zorgpas ta canando na satisfaccion, leu a leu sa tin cliente cu ta lubida ariba e fecha. Pero AZV ta purba recorda nan pa bin na tempo. Pero di dialuna pa diabierna tin e opcion pa wordo yuda pa AZV. Semper controla bo carchi bon. Si bo ta un persona cu ta gusta uza bo cellular, percura pa eyden hinca e fechanan importante pa corda. Asina ey, AZV ta yuda. Asina AZV, mas y mas ta pensa den future y nan ta monitor con pa facilita mas ainda na e cliente. Den historia di AZV nan a haci cambionan. Un di nan, ta cu e zorgpas antes tabata valido pa 5 aña y awo e ta valido pa 10 aña. Un grupo grandi lo mester bin pa renoba na 2020 pa 2022. E cambionan aki ta pa facilita e cliente, segun Sra. Solange Tchong, vocero di AZV.