Instituto Biba Saludabel y Activo, IBiSA su oficina principal situa na Frankrijkstraat 1 y IBiSA Sport Centrum San Nicolas situa na dr. Schaepmanstraat 52 na San Nicolas, ta cera e aña aki durante e temporada di Pasco y Aña Nobo.
Ultimo dia di trabao ta riba diabierna, dia 16 di December 2016. Ambos oficina ta reanuda trabou riba diamars, dia 3 di Januari 2017 for di 7:30a.m. en adelante pa brinda e acostumbrado servicio na publico.
Staff y personal di IBiSA ta gradici tur instancia, organisacion, compania, directivanan di scol, departamentonan gubernamental, medionan di comunicacion, prensa y comunidad di Aruba en general pa e apoyo duna na nos institucion y na ‘Bus di Salud’ durante aña 2016. IBiSA ta spera di por conta cu tur sosten y apoyo den aña 2017 pa hunto sigui promove un estilo di bida “saludabel y activo” riba nos isla. Despues di un aña hopi activo y exitoso pa Bus di Salud, actividadnan ‘Recreativo y Deportivo’ y Deporte Escolar, IBiSA ta tuma e oportunidad pa prepara y habri aña nobo cu e meta pa sigui duna e miho servicio na publico.
IBiSA ta desea tur empleado, nan famia y henter comunidad di Aruba un “Feliz Pasco y cu Paz, Amor y Felicidad reina den cada hogar” di nos dushi isla. Expresando na mes momento, e miho deseonan cu Aña 2017 ta yen di Bendicion, Salud, Prosperidad y hopi Productividad pa un y tur.
“Bon Pasco y Feliz Aña 2017”.