NUEVA YORK (AP) — Oficinanan di CNN na Manhattan mester a wordo desaloha, door di un menasa di bom. Pero esaki a resulta di tabata un alarma falso, segun polis a informa diabierna.
Polis a informa cu’n homber a accent Sureño a yama CNN algo despues di 10 or di anochi di diahuebs y a bisa cu tabata tin cinco bom poni den e oficinanan di Time Warner na Colombus Circle.
Autoridadnan a bisa cu e edificio a wordo evacua y varios agente a realisa un registro preliminar. Unidadnan di polis tambe a registra e luga y a yama un escuadron specialista den bom.
Pafo di e edificio, presentadonan di CNN, Brian Stelter y Don Lemon a sigui duna noticia. Lemon a bisa cu e programa tabata ‘live’ ora cu alarmanan a bay on y nan a wordo avisa via e speakernan cu nan mester a evacua e edificio.
E edificio a wordo evacua parcialmente na october ultimo, despues di cu nan a ricibi un pakete sospechoso cu tabata contene un explosivo di fabricacion casero.