Rene Wild, un persona cu ta den e mundo di fitness y comemento saludabel, recientemente den cooperacion cu’n familiar di dje, a cuminsa cu’n restaurant ‘healthfood’. E ta e mesun concepto di ‘fastfood’, pero saludabel.
E restaurant ta basa ariba e fastfood cu tur hende conoci. E unico diferencia ta cu e cuminda ta wordo prepara tur mainta, fresco tur dia. Pero e scogencianan ta scogencianan saludabel. Tur cuminda ta prepara na un manera saludabel y tur cuminda ta wordo prepara den fornu. Tur locual cu e persona por pensa, ta obtenibel na Purely Green.
Pa loke ta e concepto aki, banda di esaki Sr. Wild tambe ta duna tips con pa come mas saludabel. E idea ta cu a habri den Purely Green, un oficina di baha peso y salud. Dus un persona ta sign up cu Sr. Wild, unda cu Sr. Wild ta haci algun pregunta na e otro persona, pa loke ta e persona su estilo di bida. E ora ta traha un guia di cuminda pa e persona individual.
Cada dos siman e persona lo tin di bay cerca Sr. Wild, pa control y pisa. Poco poco Sr. Wild lo purba di cambia e estilo di bida, pa loke ta comemento di un persona.
Hopi biaha un persona ta stop di sigui cu esaki, y e ta cay bek den su mesun estilo bieu di bida. Si tur cos bay bon, den 9 luna e persona lo a cambia su bida, su manera di come, totalmente.
Pero tambe tin hopi hende cu tin problema pa subi peso. Tin hende cu tin problema di colesterol, diabetisch, metabolismo hopi halto, tru e malesanan aki ta bin di cuminda. Tambe pa esunnan cu tin problema pa subi peso. Hendenan cu metabolismo hopi halto, no ta compronde cu nan mester come mas di cuminda, pero e bon cuminda. Den esaki tambe Sr. Wild lo por yuda.
Purely Green ta situa den e edificio di Antraco Plaza Mall, riba LG Smith Blv, e health Food restaurant y den e restaurant ta haya e edificio di baha peso y salud.