QUITO, Ecuador – Oficialismo a celebra e resultado di e eleccionnan na Ecuador, cu oposicion a rechasa di plano na sigura cu ta pretende organisa un “fraude”, di cual a anuncia cu nan lo presenta “tur e obhecionnan” pa evita esaki.
Cu e escrutinio na 96.39%, e resultadonan di e Conseho Nacional Electoral (CNE) ta duna bentaha na e candidato di e movimiento di izquierda Alianza Pais (AP), Lenin Moreno, cu 51.12% di e votonan, dilanti 48.88% di e centroderechista Guillermo Lasso, candidato pa Creando Oportunidades (CREO).
Pero AP a cuminsa festeha e victoria prome hasta di conoce e datonan oficial door di e bentaha amplio cu nan a sigura cu nan tabata tin, Moreno a delanta. “E datonan tabata cla, ta datonan cu nos tin, completamente confiabel, nos tin un bentaha hopi, hopi considerabel,” el a bisa prome cu e recuento oficial a keda confirma.
Tambe oposicion a papia di victoria y Lasso a concede entrevistanan delantando algun medida cu nan tabata tin pensa di tuma como gobernante, pero e aparicion di e prome datonan confirma pa CNE a cambia radicalmente e mensahe di e dirigente di centroderecha cu a pasa di euforia pa protesta.
Lasso a denuncia e ora ey “pretesionnan di fraude” y a sigura cu el a informa esey na e secretari general di e Organisacion di Estadonan Americano (OEA), Luis Almagro.
Tambe el a bisa cu e asesornan legal di su candidatura “lo presenta den e menor tempo posibel tur e obhecionnan’ pa e supuesto iregularidadnan.
E candidato di CREO a expresa su desconfiansa pa e hecho cu e diferencia entre e encuenstanan prome cu votacion y e resultadonan oficial lo a yega na “ocho punto” cu trampa manera nan ta pretende di presenta.” “Nos no por permti cu nan ta pretende violenta e boluntad popular,” el a sigura den un comparecencia ante su siguidornan.
Tambe el a recorda cu den e prome buelta di e eleccionnan, celebra dia 19 di Februari, nan tabata tin mester di cuater dia pa confirma e resultadonan, mientras cu diadomingo “a pretende bisa cu den 20 minuut a paga e sistema, a keda offline y despues a aparece scrutinia di 20 pa 90% di e votonan,” el a protesta.
El a invita su sigui dor y simpatisantenan pa actua di forma pacifico, pero “firme” den su protestanan “cu ta legitimo den demoracia,” el a bisa. E partidarionan di e candidatura di oposicion a hiba nan malestarnan riba caya y a congrega rond di e dependencianan di CNE den varios ciudad manera Quito, Guayaquil y Cuenca, entre otro pa expresa nan desconformidad cu e resultadonan.
Entre grito di “fuera, Correa, fuera” y rechaso na e supuesto “fraude”, e protesta a mantene te cu mey anochi, cu momentonan di cierto tension aunke no a tuma luga ningun incidente di gravedad.
E presidente di e pais, Rafael Correa, a condena e brotenan di violencia. “Jammer! Brotenan di violencia na Quito, Esmeraldas, Ibarra y Azogues. Loke nan no a logra den e urnanan, nan kier logra cu forsa,” Correa a publica riba su cuenta di e red social Twitter.
Medionan local a informa tambe di e incidentenan rond di CNE na Guayaquil, unda siguidornan di Lasso a congrega, cu e resultado di un polis herida.
Desde e exterior, e presidentenan di Bolivia y di Venezuela, Evo Morales y Nicolas Maduro, y e ex mandatario di Argentina, Cristina Fernandez, a felicita Lenin Moreno. “E pueblo uni Ecuador a triumfa dilanti e imperio y su sumisonan. Pabien ruman @Lenin! (sic),” Morales a skirbi riba Twitter, kende ta recuperando na Havana di un operacion.
E presidente Venezolano, Nicolas Maduro, a uza e mesun canal, skirbiendo: “Pabien Ecuador, e Revolucin Ciudadano a triumba. Pabien presidente Rafael Correa. Compañero presidente Lenin Moreno, Victoria Heroico (sic).”
Algo mas extenso tabata e ex presidente di Argentina, Cristina Fernandez, kende a skirbi riba Twitter cu el a felicita telefonicamente “e presidente electo nobo di Ecuador compañero@Lenin” y e actual mandatario, Rafael Correa, na kende el a transmiti su “afecto di semper.”
Un total di 12,8 miyon di votante tabata faculta pa participa den e dos buelta di e comicionan presidencial na Ecuador, caminda cu Moreno y Lasso a yega depsues di ta e candidatonan mas vota den e prome buelta, cu a tuma luga dia 19 di Februari ultimo.
Fuente: La Vanguardia (http://www.lavanguardia.com/)