CARACAS, Venezuela- Un biaha mas, Chavismo a impone su mes den e eleccionnan regional di Venzuela, caminda cu nan ta bisa di a gana 17 di e 23 gobernacionnan. Oposicion previamente a a alerta riba un posibel fraude y a anuncia cu e lo no reconoce e resultadonan, sin un auditoria.
Según e Conseho Nacional Electoral (CNE), oficialismo cu su Partido Socialista Uni di Venezuela a impone den 17 estado, mientras cu e candidatoann di oposicion a gana den cinco.
Aunke ainda falta e resultadonan di Bolivar, unda cu PSUV a logra kita for di oposicion Mesa de la Unidad Democratica (MUD) estado Mirando, goberna dos biaha pa e candidato presidencial di e pais Henrique Capriles, y e estadonan Lara y Amazonas.
Cu 95,8 % di e urnanan conta, presidente di CNE Tibisay Lucena a indica cu e resultadonan ta irreversibel y el a señala cu e den e eleccionnan aki tabata tin un participacion di 61,14% di e cantidad di votadonan.
Un rato prome cu e anuncio oficial di CNE, MUD a bisa cu e anuncio oficial di CNE cu e cifranan cu su operadornan electoral tabata hopi “diferente” na esun cu e organo electoral lo haci publico.
Hefe di campaña di MUD, Gerardo Blyde, despues di e anuncio a bisa cu nan lo reconoce e resultadonan na momento cu un auditoria completo wordo haci y a pidi e lidernan regional pa planea actividadnan di caya pa apoya e eleccionnan aki.
Presidente di Venezuela, Nicolas Maduro a celebra e victoria di oficialismo despues di a sclama cu “Chavismo ta bibo”.
Fuente: https://www.elconfidencial.com