Ora cu e asina yama, Estado Islamico a tuma control over di un pueblo cerca di Mosul y a cuminsa mata oficialnan di polis, algun di nan a busca e manera mas inconvencional pa keda na bida. Usa un niqab (paña cu hende muhenan ta uza den Estado Islamico).
Pa mas di dos aña y mei el a yuda mantene un ex- polis di edad di edad medio keda scondi pa ISIS y tambe safe for di e bala y cuchiunan cu a mata mayoria di su coleganan.
Ora cu e yihadistanan a yega su ciudad natal di Hammam al-Alil na 2014, e prome cos cu nan a haci tabata di mata e polis y e soldaatnan.
Nan a mata tur e oficialnan di rango halto prome, pero eventualmente nan a ofrece un sorto di amnestia na e restonan. Solamente si nan renuncia na e gobierno local y hura di biba bou di e reglanan di ISIS. E ora ey nan lo ta liber. Abu Alawi a keda scondi.
Te ora cu e la haya un solucion, cual tabata un niqab. E paña preto, cu ta tapa cara, cu ISIS ta forsa tur hende muhe pa uza. Desde e dia ey, ora cu e ricibi un tip, di cu ISIS ta bay organisa un buskeda, e lo sconde su mes tras di un niqab y pasa pa hende muhe.
Despues di e yegada di ISIS, e militantenan tabata reuni tur e polisnan, tapa nan wowo y hinca nan den un truck. Pafo di ciudad nan lo tira nan mata of corta nan cabes afo.
Di e manera aki, ISIS a extermina famianan completo.
Eventualmente ISIS a bandona e pueblo, pero e cicatriznan di e ocupacion lo keda pa un tempo basta largo ainda.