Washington, D.C., MERCA.- E secretario general di e Organisacion di Estadonan Americano (OEA), Luis Almagro a solicita formalmente e Presidencia di e Conseho Permanente di e organismo pa convoca un sesion urgente riba e situacion na Venezuela, bao di articulo 20 di e Carta Democratico Interamericano.
Segun e solicitud, firma diabierna, Almagro a solicita pa den e sesion aki wordo considera informenan critico riba Venezuela, di dia 30 di Mei 2016 y 14 di Maart 2017.
Ademas e ta pidi pa considera e “efectonan riba e ordo constitucional democratico di e sentencia di e Tribunal Supremo di Husticia di Venezuela”.
E Carta Interamericano ta invoca (dos biaha door di Almagro), pero e no ta wordo aplica ya cu pa esaki pasa, e tin mester di por lo menos 18 pais (e mayoria simpel di e 35 paisnan miembro) vota pa e alteracion na Venezuela tuma luga.