WASHINGTON, D.C., Merca- E Organisacion di Estadonan Americano (OEA) no a logra aproba niun di e dos declaracionnan riba e crisis na Venezuela, presenta den e reunion di canciyernan, ya cu niun di dos no a logra haya e 23 votonan necesario.
E propuesta negocia pa un grupo amplio di paisnan cu tabata pidi pa reconsidera e Asamblea Nacional Constituyente di Venezuela a fracasa, cu 20 voto na fabor, 8 abstencion, 5 contra y un ausencia, Venezuela.
Esun otro, di St. Vicent & The Grenadines, y esun cu menos critica contra di e gobierno di Venezuela, a haya solamente 8 apoyo, 11 abstencion, 14 contra y un ausencia, tambe di Venezuela.
En principio, e votacion lo mester tabata solamente ariba e propuesta negocia pa e grupo amplio, y esun di e presidente di e reunion, e canciyer di Guatemala, Carlos Raul Morales. Ultimo aki a sigura cu e texto tabata tin un cantidad suficiente di apoyo pa bay dilanti.
Pa un propuesta wordo aproba den un reunion di canciyerNan, ta necesario haya 23 voto di e nacionnan, dos tercio di e 34 estadonan representa den e reunion. Tur paisnan di e continente Americano, menos Cuba.
E Asamble General di OEA lo wordo inaugara diamars anochi pa e presidente Mexicano, Enrique Peña Nieto, y lo sigui te cu diaranson.
Fuente: www.noticias.rcn.com