BRASILIA, Brazil- E empresario Brasilero Marcelo Odebrecht a afirma di a financia e campaña presidencial di Keiko Fujimori y e Partido Aprista Peruano. Segun e informe, e declaracionnan a wordo haci durante un interogatorio di dos ora den e sede di Polis Federal na Curitiba. E tabata e prome testimonio haci bou di e sistema di delacion premia di Odebrecht na husticia Peruano. Presente na e interogatorio na Brazil, miembronan di Ministerio Publico Peruano y di e Unidad di Cooperacion Internacional di Peru, representantenan di ex- Presidente Ollanta Humala. Odebrecht tabata acompaña pa tres
E empresario a duna declaracionnan detayadamente riba e pregunta presenta pa e Ministerio Publico Peruano. E tres prome preguntanan ta riba e tres miyon dollar cu e empresa a paga na 2011, na fabor di Ollanta Humala, candidato pa presidencia di Peru cu despues a resulta ganado. Odebrecht a confirma di e ricibi peticion pa donacion di entre otro, ministro di Hacienda, Antonio Palocci, cu a actua na nomber di e Partido di Trahadonan. Pa Odebrecht, esaki tabata un colaboracion “ideologica”. El a sigui bisa cue e no sa exactamente di unda e placa a sali y tampoco con e entrega a tuma luga, ya cu tabata Jorge Barata, ex- representante di un compania di construccion di Peru, tabata encarga cu esaki.
Sinembargo, el a indica cu e recursonan pa e tipo di operacionnan aki, tabata bin di e Departamento di operacionnan Structura (encarga cu administra e placa), como tambe di empresanan local.
Ora cu a puntr’e si Humala tabata e unico candidato beneficia, ela contesta cu su compania tabata custumbra di apoya tur e candidatonan di cierto relevancia. El a menciona Keiko Fujimori, candidato pa Forsa 2011, y e partido Aprista Peruano, representa pa Mercedes Araoz, actual vice- presidente di Pedro Pablo Kuszynski, kende a retira su candidatura despues.
Fuente: www.elpais.com