MISSOURRI, Merca- Al menos ocho persona a muri diahuebs door di naufragio di un boto turistico den e riu Table Rock. Esaki segun e informacion di departamento di Bombero di e condado di Stone.
E comisario di e condado di Stone, Doug Rader, a declara na medionan local cu al menos 11 persona a wordo rescata pa ekiponan di emergencia, cu a wordo traslada pa hospital cercano. Buzonan ta sigui cu e buskeda di personana desapareci.
Autoridadnan a señala cu den e barco tabata tin 31 persona, pero no a precisa cuanto tin desapareci, según EFE.
E boto a bolter y zink pa mas o menos 7 or di anochi. Esaki lo ta causa door di bientonan fuerte cu ta azota e area di Branson, Missouri, for di unda e ferry a sali.
The Weather Channel a indica cu bientonan di mas di 65 km pa hora y maximo di 100 km/h a afecta e area durante e hora di e accidente.