MIR, Siberia – Awa a liek den un mina subteraneo diabierna mainta, na momento cu tabata tin mas cu 100 trahado paden.
Mayoria di nan a wordo rescata for di e mina di Mir na e parti oost di Siberia, di acuerdo cu e compania di diamante Alrosa, cu ta maneha esaki.
Sinembargo, e compania a bisa cu e reportenan cu ta bisa cu esnan cu a wordo perdi a wordo localisa, no ta berdad y ainda e buskeda ta sigui. Buceadornan a yega na e escena di e desaster.
E pueblo di Mirny na Yakutia a wordo declara den un estado di emergencia.
Un homber a wordo rescata diasabra mainta.
E ta den intensive care den un hospital den cercania cu problemanan na su pulmon, pero su bida no ta den peliger, segun Alrosa.
E Chief Executive Sergey Ivanov a bisa cu casa esfuerso cu esfuersonan ta wordo haci pa haya e otro trahadonan.
E compania a bisa cu 142 trahado a wordo rescata y treci na e superficie, te asina leu.
E mina habri na banda, un di e buraconan di mas grandi escava na mundo, no ta operacional mas, ya cu minamento a move bao di tera.
Sinembargo, e inundacion di e mina bandona aparentemente mester a causa e problema, di acuerdo cu servicionan di emergencia local, ya cu awa a liek den un di e stacionnan activo di pomp di e mina. E crater ta contene mas of menos un 300 mil meter cubico di awa, e ekivalente na 120 piscina di tamaño olimpico, segun e ministerio di emergencia.
Fuente: www.bbc.com