Bo a nota cu bo urina tin un holor distinto na esun di semper? Bo kier sa e rasonnan pakico bo urina tin mal holo?
Den e caso aki, sigui lesa cu nos lo bisabo e motibonan mas comun.
Urina ta presenta un holor caracteristico determina pa e urea. Segun e concentracion di urea den bo curpa, bo urina lo tin un holor mas of menos fuerte.
Lo normal ta cu urina no tin un aroma demasiado intenso of desagradabel.
Ora cu mal holo ta aparece, ta señal cu algo ta pasando cu bo curpa. Bo por bay for di cuestionnan simpel, manera un cambio den dieet, te na problemanan grave di salud.
1. Deshidratacion
Prome cos cu bo mester nota cu bo urina tin mal holo ta pensa den e cantidad di awa cu bo a consumi den e ultimo dos dianan.
Corda cu lo ideal ta tuma dos liter di awa pa dia y si bo no a haci’e, e problema aki por aparece.Si deshidratacion ta causa di urina cu mal holo, lo bo nota cu esaki ta di un color geel scur of oranje y cu holo na amoniaco.
Por lo general, bebe mas awa natural y sin saborisante, e problema lo disparce.
Si e color aki y e holo di urina ta bin compaña di confusion mental, debilidad, cansancio extremo, e por trata di un deshidratacion mas grave, den cual caso ta necesario busca atencion medico inmediatamente.
2. Infeccionnan urinario
Otro di e posibel rasonnan pa cual bo urina tin mal holo, ta e infeccionnan den e vianan urinario. E sintomanan mas frecuente ta inclui:
Gananan urgente di bay baño.
Kimamento ora di urina.
Dolor na barica parti abao.
E bacteria mas comun haya den e infeccionnan aki ta E. Coli y ta importante acudi na dokter pa e recetabo e tratamento corespondiente.
3. Diabetes
Bo urina tin masl holor y cu ta dushi? Den e caso aki bo mester alerta y acudi na bo dokter mas pronto posibel, pasobra por ta trata di un sintoma di diabetes.
Den e caso cu ya bo ta diabetico y solamente ta bebe pildo, bo mester sigura pa sigui bo tratamento “al pie de la letra”, pues e holo aki ta nifica cu bo no ta siguiendo e tratamento manera mester ta.
Den e caso cu bo ta inyecta insulina y bo tin poco tempo haciendo esaki, puntra bo dokter, ya cu e holo aki por ta solamente un efecto secundario y e señal di nivelnan halto di glucosa.
4. Problemanan hepatico
Otro rason pakico bo urina tin mal holor ta e problemanan na higra. Si esaki ta e motibo, bo por haya cu e urina por hole malo cu ta presenta hunto cu algun of tur e sintomanan aki:
Nausea
Sacamento
Dolor abdominal
Wowonan geel
Debilidad
Perdida di peso
5. E consumo excesivo di cierto alimento
Un di e principal rasonnan pakico bo urina tin mal holo ta relaciona cu alimentacion.
Si bo a nota e problema, despues di a come alimentonan berde manera asperges, bo por ta trankilo, ya cu den poco tempo e molester lo pasa.
Entre e alimentonan cu ta causa e condicion aki ta:
Siboyo
Knoflok
Brussel Sprouts
Curry
Salmao
Alcohol
Koffie
E problema ya tin algun tempo pero bo no ta consumi e alimentonan aki? Con hopi salo bo ta añadi na bo recetanan?
Un dieet rico den salo por haic cu bo urina por bira mas concentra, dunando e un holo mas fuerte di lo usual.
Purba na disminui e cantidad di salo cu bo ta consumi, esey tambe lo ta di ayudo pa e salud di bo curason.
6. E uzo di duchanan vaginal
Tin cu reconoce cu algun muhe tin problema pa acepta e caracteristicanan di nos zona intimo. P’esey no ta straña cu tin esnan cu ta uza duchanan vaginal. Si bo a cuminza uza nan y na e mesun momento bo a nota cu e urina tin mal holo, lo ta recomendabel pa bo stop mas pronto posibel.
E ducha vaginal no solamente ta haci e vagina limpi, sino cu tambe por perhudica e flora bacteriano den henter e area genital. E resultado ta cu e ta empeora e ma l holonan, na lga di mehora nan.
Den e caso cu den e ultimo lunanan bo zona intimo tin mal holo, bo mester acudi cu dokter na luga di uza e productonan ey. E lo indica si bo tin algun problema real of si ta trata di algo natural y si ta necesario of no sigui algun tratamento.
7. Bo ta ovulando
E mesun hormoonnan cu ta yuda den e periodo di gestacion di e babynan (estrogeen y progesteron) tambe ta encarga di regula e ciclo menstrual. E hormoonnan aki ta eherce un accion chikito riba e holo di urina pa di manera cu ora bo ta ovulando, bo por nota cu bo urina tin mal holo, similar na amoniaco.
8. E consumo di cierto remedi, suplemento y vitamina
E ultimo rason pa cual bo urina tin mal holo ta relaciona cu e saborisantenan cu ta wordo uza den remedi, suplemento y vitamina. Por ta cu por sa miho, pero tambe e por afecta e holo y color di bo urina.
Tambe tin medicamentonan cu, pa su efecto of pa e organo y problema cu ta tratanto, ta ocasiona e problema aki.
Lo ta bon idea pa comenta cu bo dokter riba e problema, pa indica si e ta normal.
Fuente: https://mejorconsalud.com