SAN ANTONIO, Texas – Por lo menos ocho persona a wordo haya morto y 20 persona herida dentro di un truck para na San Antonio, Texas, polis a informa, cu a referi na e suceso como un caso di trafico di persona.
Tanto e fayecidonan, como e otro 20 personanan cu a wordo hospitalisa, algun di nan den estado critico, tabata hoben y adultonan di entre 20 y 30 aña, hefe di polis di San Antonio, William McManus a bisa den un conferencia di prensa. E conductor di e truck a wordo deteni, e polis responsabel a bisa, kende a splica cu nan a ricibi un yamada di un empleado di un di e tiendanan grandi pasobra un persona cu tabata den un truck di carga staciona den e parkinglot, a acerk’e pa pidi’e awa. “E trahado a bolbe cu e awa, a yama polis y ora cu nos a yega, no a haya otro hende morto den e parti patras di e trailer,” McManus a bisa, ora cu el a añadi cu “tabata tin por lo menos 38 persona dentro di e truck.”
E polis a splica cu entre e 20 heridonan tabata tin algun di nan den “estado critico of hopi grave” y cu esakinan a wordo traslada den helicopter na diverso hospitalnan cercano.
E otro ocho personanan cu a wordo haya den e interior di e vehiculo, a wordo hiba cu lesionnan leve. Hefe di bombero di San Antonio, Charles Hood, a bisa den e mesun rueda di prensa, ofrece dilanti di e portanan di e tienda grandi, cu e airco di e vehiculo no tabata traha y no tabata tin awa.
“E tabata hopi cayente ora mishi cun’e,” Hood a visa di e victimanan, sin precisa cuanto tempo e truck tabata tin para na San Antonio.
Segun algun medio, por lo menos dos menor tabata entre e fayecidonan.
McManus a splica cu polis ta considera e caso “un crimen di trafico di hende” y “cu e Departamento di Siguridad Nacional ta involucra den e investigacion.”
“Ta trahando cu nan pa determina e origen di e horibel tragedia aki,” el a añadi.
Fuente: www.laopinion.com