BOGOTA, Colombia – Diasabra ocho persona a wordo captura, cu lo tabata vincula cu e atentado terorista cu a keda registra den e Centro Comercial Andino di Bogota diasabra 17 di Juni.
E captura a tuma luga den dos operativo simultaneo na Bogota y el Espinal, departamento di Tolima.
Den e municipio Tolimense a captura cuater persona, tres homber y un muhe, kendenan tabata den e fiesta y ferianan cu a tuma luga den e zona eynan di e pais.
Durante un rueda di prensa, director general di Polis Nacional, Jorge Hernando Nieto “Rojas, a indica cu e capturadonan lo wordo huzga pa e delitonan di concierto pa delingui, terorismo, homicidio, secuestro simpel y hurto califica y agrava.
“E cuater homber y cuater muhenan tabata pertenece na e autodenominado Movimiento Revolucionario del Pueblo, MRP, grupo cu a reinvindica varios di e atentadonan,” e algo oficial a bisa.
Por medio di nan cuenta riba Twitter, e Secretario di Siguridad di Bogota, Daniel Mejia, a destaca cu e captura di e ocho personanan aki a logra “den un tempo record” danki na e trabao conhunto entre polis nacional y e agentenan di e CTI di e Fiscalia General di e Nacion.
Di su parti, e alcalde di Bogota, Enrique Peñalosa, a felicita autoridadnan pa e captura di e personanan aki.
“Bogota no lo doblega ante terorismo. Felicitacion na Polis di Bogota y Fiscalia pa e captura di e presunto responsabelnan di e atentado riba Andino,” e mandatario a skirbi riba su cuenta di Twitter.
Tras e atentado a plantea tres hipotesis: e responsabelnan por ta miembro di ELN, integrantenan di e Movimiento Revolucionario del Pueblo (MRP) of probablemente, e “Clan Usuga.”
Sin embargo, poco tempo despues di e explosion cu a laga tres morto, ELN a rechasa e acto terorista y a nenga su participacion den esaki.
Presidente Juan Manuel Santos y e alcalde di Bogota, Enrique Peñalosa, a ofrece 100 miyon di peso pa informacion cu por conduci na e responsabelnan di e atake. Sin embargo, e investigacion tabata dal buelta. Diamars ultimo a aparece dos retraso di e sospechosonan, pero e descripcionnan no tabata coincidi entre si, y Fiscalia a aclarea cu e representacionnan no tabata “oficialmente entrega pa e conocimento di opinion publico.”
Fuente: www.elespectador.com