Un aroma di koffie ta traslada nos na e Fundacion Siñami Paso pa Paso Aruba, pa laga nos disfruta di e bunita obranan realiza door di e Grupo Intergeneracional, cu e edadnan ta varia di 5 pa 96 aña. Ta un proyecto SOCIAL- EDUCATIVO-RECREATIVO- ARTISTICO-Y AMBIENTAL.
E tema pa e aña aki ta koffie. Mester remarca cu ya pa mas di 4 aña e Fundacion aki ta trahando obranan (ARTESANIA )cu material recicla, manera Boter di glas, saco di plastic, revista, corant, casca di webo, palo seco y awo cu desecho organico di koffie, nan por mira atras algun proyecto hopi exitoso cu a cuminsa cu 3 participante y awo ta conta cu mas di 50 participante.
Ta bon pa recorda cu na mundo ta wordo benta afo un cantidad grandi di desecho di koffie ya cu esaki ta un di bebida mas consumi den e planeta.
E grupo di participante ta wordo integra di e siguiente forma:
– F.S.P.P. Grupo di participante e edadnan ta baria di 5 pa 43aña.
– SABA Grupo de grandinan e gran mayoria ta usa rolstoel e edadnan ta varia di 50 pa 93 aña.
– Imelda Hof grupo di muchanan y edadnan ta baria di 7 pa 13 aña .
– Grupo boluntario di AUREUS UNIVERSITY SCHOOL OF MEDICINE ARUBA, hobennan studiante di Medicina.
E tayer di e aña 2016 ta wordo desaroya usando desecho organico di koffie como materia prima, cu ta wordo recolecta di diferente cafeteria, restaurant y personanan individual cu na lugar di benta nan den bari di sushi, nos ta recolecta, procesa, y forma obranan di arte (ARTESANIA).
E Fundacion a diseña un proyecto unico y hopi interesante pa elabora obranan (ARTESANIA) cu desecho organico di koffie y filternan. E productonan (ARTESANIA) ta consisti di Yabero, cofre, pen, CD cu mensahe, figuranan, boternan cu diseño hopi bunita y unico y hebiya pa cabey entre otro.
E proyecto aki tin multiple meta algun di nan ta pa motiva e grupo di participante pa desaroya e capacidad CREATIVO – ARTISTICO di e mesun forma probecha e beneficio cu arte tin den e area SOCIAL, EMOCIONAL, COGNITIVO y MOTORICO como tambe mustra e comunidad e importancia di e trabou integral entre diferente instancia y e impacto positivo cu esaki tin tanto pa e cliente como pa e comunidad en general, continua cu e proyecto Integral, intergeneracional di forma constante cu aki un paar di aña por ta para riba su mes y ta un proyecto modelo pa nos comunidad.
Un dato hopi importante cu no por keda sin menciona ta cu e proyecto aki a wordo financia pa CEDE ARUBA.
INVITACION:
Nos kier invita Gobierno di Aruba, comerciantenan, como tambe e publico en general, pa conoce e obranan cu nos ta haci, no solamente e koffie pero den e programa tin varios obra (ARTESANIA) traha cu plastic, papel, palo seco, boter y en general tur material recicla. Nos ta ofreciendo diseñonan personalisa, sea pa empresa of regalonan special.
E piesanan ta elabora na Aruba, cu material local, door di personanan cu un discapacidad, mucha, hoben, adulto y personanan di tercer edad. Asina por colabora nos pa e proyecto aki sigui dilanti y continua. E comerciantenan ta contribui cu un inversion social pa e proyecto continua y tur loke ta wordo recauda den e proyecto aki ta bay pa esun di 2017 manera a bin ta sosodiendo e ultimo añanan.
Pensamento:
“E personanan cu ta rondona mi ta esnan cu ta supply mi discapacidad”
Bishita via cita.
Van Leeuwenhoekstraat 2, Oranjestad, Aruba. San Pedro di Verona.“ Ex Hospital. ” Afdeling Cayena”.
Telefon :(297)-5681946 / (297)-7471267.
Faxnummer : (297) – 5823322.
Email : [email protected] of like nos facebook page.