Teatro mester wordo stimula. No unicamente e ta entretene pero e ta un di e hermentnan mas basico y poderoso pa educa un pueblo. Un obra great y pica a wordo crea y diamars lo wordo elabora mas riba esaki. Sr. Nelson Gonsalez di Fundacion Art Rap y Cas di Cultura ta splica mas di e obra aki relaciona cu Dia Mundial di Teatro.
En principio Sr. Gonsalez a representa Aruba na Havana Cuba, cu un proyecto teatral exitoso cu un crew excepcional. Aworaki e experiencia mester wordo traduci den e publico local, pa crea un dinamica den dobel direccion. Aruba ta exporta talento pero tambe ta produci talentonan nobo, pa por releva esunna cu ta den veld bringado e bataya.
Dia 27 di Maart lo tin full un programa cu lo cuminsa 5 or di atardi, di manera cu tur hende cu caba di traha por pasa na Cas di Cultura. E convocatorio di 6 or ta pa tur esunnan cu ta interesa, den baile, canto pa crea networking entre 5 or y 7 or. Un director cu tin un obra y ta buscando e actornan, mester ta presente.
E idea di esaki ta discuti kico ta necesario pa lanta e clima cultural y teatral na Aruba. Despues, pa 7 or lo presenta un estreno nacional di un comedia cu Sr. Gonsalez a scirbi y dirigi pa Sra. Bryce.
Tabata un placer pa haya boluntario, di parti actonan cu Aruba lo conoce “on stage”. Nan ta interesa pa lanta e clima cultural na Aruba. E convocatorio di dia 27 di Maart, ta pa esun cu tin deseo pa lanta e clima cultural. E publico en general ta keda cordialmente invita. Ta bay ta un dialuna diferente, cu ta garantisa tur e emocionnan cu a keda poni den e realisacion di e obra aki.
Den e crew tin 6 actor, 8 hende cu ta traha den produccion y un paar di boluntario cu lo haci asistencia den diferente area. Ta purbando di enfoca riba diferente rolnan den sociedad, un ama di cas, un florestero, un purchaser y con e personanan aki cu ta biba y disfruta di Aruba ta proyecta su mes. Ta papia di temanan moderno y fresco y situacionnan cu ta diferente den mente, cu por haya solucion pa nan ora papia cu un otro persona.
E idea, segun Sr. Gonsalez ta purba crea un difusion di e idea cu un persona ta limita mentalmente. Entrada lo ta 15 florin pa por cubri e gastonan. Mester bisa cu 5 florin di e 15 florin ta bay pa Cas di Cultura y 5 florin ta pa crea un fondo pa subsidia proyectonan futuro y 5 florin pa gasto di e actornan cu a haci toch un trabao boluntario.
Mester sigui stimula mundo teatral na Aruba. Kaarchinan ta obtenibel na Cas di Cultura, na porta, y via Facebook Nelson Gonsalez Aruba.