Inglatera – Polisnan na London a drenta den galeria di arte den centro di ciudad pa salba un persona inconsciente, pa despues descubri cu ta un instalacion di arte.
Ora cu e polisnan a yega cerca a descubri cu ta trata aki di un obra di arte di un hende muhe cu tabata drumi na mesa cu su cabes den un conchi di sopi. Esaki a pasa den e galería Laz Emporium den e bario Soho na London. E ta un escultura real cu ta parce di e ruman muhe di e doño di e galeria, kende ta Steve Lazarides. E escultura aki tabata ilustra un hende muhe sinta na mesa, desmaya of na soño cu su cabes den un tayo di sopi.
Steve Lzarides a laga un amigo di dje, e artista di Mericano Mark Jenkins, cu e tarea pa traha escultura nan di caya cu ta provocativo. Den pasado tambe Jenkins a haci un escultura di un curpa cu ta drif esaki a wordo poni den un canal na Amsterdam. E escultura aki tambe a trece hopi confusion y a haya hopi atencion di servicionan di emergencia,Steve Lazardes a splica.