Obliga maestronan pa drenta den un fundacion no ta aceptabel ni tolerabel

0
RBC Juli 2018
Funmiles-2018

Parlamentario Mervin Wyatt-Ras despues di reunion cu Minister di Enseñanza tocante independisacion di DPS den comision encarga cu Enseñanza ta preocupa pa e forma con ta purba obliga cambio den Enseñanza. Wyatt-Ras ta sorprendi cu minister di Enseñanza cu tempo e tabata Parlamentario no kier a reuni den comision pero tabata kier tur cos habri pa pueblo por scucha, awe cu e ta den un otro rol a lubida lihe y awor si e kier trata e asunto cu cautela y den un seno mas cera. Kiermen awe e ta duna e mandatarionan di pasado rason. Wyatt-Ras despues di e presentacion no ta convenci cu e cambio aki lo ta na beneficio di nos enseñanza y no lo haci enseñanza independiente di politica.
Wyatt-Ras den e reunion a haci diferente pregunta y hasta tabatin mas cu e no tabata permiti pa haci pa motibo di tempo. Segun Wyatt-Ras e rechtspositie di e maestronan ta un aspecto importante pa keda discuti cu minister. Ta necesario alabes pa envolvi tur maestro y esunnan cu ta traha den enseñanza hunto cu sindicatonan den e discusion. Wyatt-Ras su preocupacion ta alabes pa e constelacion di e fundacion. Aki miembronan eligi awor por keda de por bida, locual tin consecuencianan pa cu calidad y eficiencia den nos enseñanza. Un otro preocupacion di Wyatt-Ras ta nos muchanan cu problema. Lo ta posibel pa wanta nan mas tanto na scol of haci cambio di scol manera ta e caso awor y den caso no tin cooperacion entre e fundacionnan encarga cu Enseñanza esaki lo tin su refleho den e calidad. Y ken lo supervisa esaki?
Scolnan lo bira dependiente di e maneho di un stichting cu su prioridadnan por ta diferente na esun di un scol individual. Den esaki Wyatt-Ras a puntra ki rol Parlamento lo keda cun’e? Djis pa aproba un solo cifra den e begroting? E control di calidad di Enseñanza lo ser poni den man di otronan, locual tin su consecuencia pa calidad y transparencia. Segun Wyatt-Ras prome cu tur cos lo mester discuti cu esunnan concerni den Enseñanza prome cu tur cos. Obliga maestronan di e forma aki no ta aceptabel ni tolerabel, segun Wyatt-Ras.

Comments

comments

C: Heineken
new india