CIUDAD DI VATICANO, Vaticano – Papa Fransisco a acepta e renuncia di e arzobispo di Washington, e cardinal Donald Wuerl, despues di a wordo acusa di a tapa casonan di abusonan di menor den un informe di e Fiscalia di Pennsylvania, Merca.
Wuerl, di 77 aña, ya caba na september su intencion di entrega su renuncia na e sumo pontifice, segun e agencia AFP.
Un investigacion di e servicionan di fiscal di Pennsylvania, publica na augustus, ta revela abusonan sexual cometi durante varios decada pa mas di 300 “pastoor pedofiel”. Mas di mil mucha a bira victima di su actonan, tapa pa Iglesia Catolico den e estado, segun e investigacion.
Den e informe final, redacta pa un hurado popular, e cardinal Wuerl a aparece den varios informe como un di e responsabelnan eclesiastico, cu a contribui na silencia e scandal.
Di su banda, e cardinal a defende sigurando cu e informe tabata mustra cu el a actua “cu diligencia, na interes di su victiamnan y pa evita abusonan nobo”.