AMSTERDAM, Hulanda – Obispado di Haarlem a entrega e pastoor homosexual, Pierre Valkering su retiro. El a admiti su homosexualidad publicamente durante un Santo Sacrificio di misa den e Vredeskerk di Amsterdam, na ocasion di su hubileo di plata (25 aña di sacerdocio).
Valkering di 57 aña, for di su cas di vacacion a bisa di no ta contento cu e decisicion di obispado. “Pero e manera di opera aki no ta sorprendemi”,
Valkering ainda no sa si e lo apela e decision aki. “Mi lo laga tur cos keto te despues di mi vakantie. Mi tin suficiente problema y ta bon pa pone esaki un banda pa un rato”.
E parokianonan di Vredeskerk a haya sa di e noticia di e retiro di Valkering di e directiva di parokia. Obispado a keda di duna su banda di medaya den oranan di merdia.
Olifante roos
Den su misa di hubileo na final di maart Valkering a tene un predicashi tocante e “olifante roos gigante” den iglesia catolico. El a critica e cultura di silencio den iglesia entorno e homosexualidad. “Mi a sufri hopi door di esaki”.
Durante e misa el a presenta tambe su biografia, unda e ta describi su bida como homosexual. Door cu Valkering no a mantene su mes na e celibato impone na sacerdotenan catolico, obispado a exigi di dje pa e delega su trabounan como sacerdote, temporalmente.
Valkering a admiti cu den pasado e tabata bishita e asina yama ‘dark rooms’y cu e tabata tin varios contactonan varia. Tambe el a admiti di ta adicto na wak pornografia.