Pa Sr. Irausquin di Meteo Aruba e training di dia 21 maart tin diferente puntonan cu mester bay tene cuenta cun’e ora e alarma bay on. Obhetivonan di e ehercicio ta claramente ta train den caso di un situacion asina presenta, si esaki mester yega di presenta. Eigenlijk tin tres scenario, pero a scoge pa e Zoolo tijd, cual ta 10 or di mainta, ora local. Tin tambe e Cubatijd, cual ta pazuid di Cuba y despues di un ora e olanan di un pa tres meter di altura, lo yega Aruba. Islanan ABC, ta cay den e categoria di olanan di 3 meter, mientras cu Panama cu Colombia lo haya olanan di mas cu tres meter.
E epicentro di e temblor, pazuid di Cuba, tin olanan di mas di cinco meter di altura. E calculated wave height rond di Aruba ta entre un cu tres meter. Tin proceduranan stipula cu ora di tsunami di magnitude, di 8.2 cual ta basta halto, y door cu e ta yega den menos dos ora, lo tin di actua hopi lihe pa salba mas bida posibel. E recomendacion ta pa evacua full e costa, dus hendenan cu ta biba cerca di lama, mester wordo evacua.
Ora cu meteo manda e bulletin, prensa lo haya esaki cu tur informacion, p.e. e magnitude, locacion, e profundidad, accionan cu mester wordo tuma, cual ta evacua tur hende den areanan di costa. Esey lo ta e prome buletin cu lo sali. E ehercicio lo ta bon pa registra na www.tsunami.org ya cu eynan ta colecta tur e participantenan den e ehercicio. Si acaso e publico interpreta e buletin robes, y ta kere cu ta echt un tsunami, lo mester tuma medida y esun cu haya e buletin lo mester splica e pueblo cu ta trata aki di un training, y no algo di bida real.
Na costa lo por spera olanan di 3 meter di altura, y si e yega Aruba, cual ta e areanan cu ta bay bou di awa, cual ta e area di hotel, hospital, Oranjestad, WEB, Barcadera, segun Sr. Irausquin.
Ora cu e ola di 1 meter yega Aruba, pero ta wak cu gran parti di e hotelnan ta bay bou di awa. E olanan ta yega na e costa noord y WEB hunto. E waf na Oranjestad tambe lo bay bou di awa. Di WEB por wak cu un pida ta bay bou di awa. Por ripara cu tin un peliger basta serio pa Aruba, si en caso esaki yega di pasa, Sr. Irausquin a finalisa bisando.