WASHINGTON D.C., Merca – Presidente di Merca, Barack obama, a yena diamars Cas Blanco cu streya pa su ultimo ceremonia di entrega di e Medaya di Liberdad, caminda cu el a homenahea e actornan Robert de Niro, Robert Redford y Tom Hanks, e musico Bruce Springsteen y e leyenda di basketball, Michael Jordan, entre otro.
Obama a congrega 21 persona pa entrega e mayor honor cu por otorga na un civil na Merca y a converti di e manera aki den e presidente Mericano cu mas Medaya di Libertad cu el a entrega durante su mandatao, cu por lo menos 114.
“Tur hende den e escenario aki a logra conmovemi personalmente di un forma hopi poderoso, den formanan cu probablemente na no por imagina. Nan a yudami ta loke mi ta,” Obama a bisa ora cu el a conclui e ceremonia den e Sala Oost di Cas Blanco.
Entre e homenaheadonan tambe tabata tey e cantante Diana Ross, e filantroponan Bill y Melinda Gates, e arkitecto Frank Gehry, e hungador di basket Kareem Abdul-Jabbar, e actriz Cicely Tyson y e rector di Miami Dade College (MDC), e Cubano Eduardo Padron.
“Nan ta Mericanonan extraordinario cu a inspira, a uni nos y nan a pusha nos pa e proceso. Nan ta innovador y artistanan, sirbidonan publico, atleta of conocido actornan di metodo manera e tipo cu a slai den “Space Jam,” Obama a bisa den referencia na e aparicion di Michael Jordan den e pelicula ey na 1996.
Manera otro presidentenan Mericano, Obama a purba cu nan idea riba e pais ta refleha den e homenaheadonan cu e Medaya di Libertad y a entrega e galardon aki na mas miembro di minoria (44) y mas hende muhe (41) compara cu su otro predecesornan, segun un recuento di e corant The Washington Post.
Algun di e homenaheadonan awe den Cas blanco, ademas tabata hopi critico cu e sucesor di Obama, e republicano Donald Trump, entre nan Sprinsteen, De Niro y Abdul Jabbar.
Obama a destaca e cualidad di e galardonadonan un pa un: di e hungado mas popular di historia di NBA el a sigura cu “tin un rason pakico hende ta bisa “bo ta Michael Jordan di algo”, pasobra e ta personifica “loke ta nifica pa ta realmente bon den algo.”
Riba Abdul Jabbar, el a bisa “ora cu un deporte ta cambia nan regla solamente pa haci’e mas dificil, ta cu realmente bo ta bon,” den alusion na prohibicion di e matenan den basketball Universitario na 1967 y a destaca cu e historico pivot di Los Angeles Lakers ta defende ‘su fe musulman ora cu e no tabata facil ni popular.”
Cu Sprinsteen el a extende mas cu e resto, ora cu el a sigura cu el a dedica su carera na crea “himnonan riba Merca,” cu ta relata e “simpel gloria y e sufrimentonan di e bida diario” den e pais, y a destaca cu, cu 67 aña ta sigui duna concierto di cuater ora.
“Ami ta e presidente, pero e ta “The Boss,” Obama a haci joke.
En cuanto Robert de Niro, el a elogia su “arte honesto y autntico” y su “precision dramatico,” y aunke tambe el a joke riba su fihacion cu papelnan di mafioso: “un mafioso cu ta dirigi un casino, un mafioso cu tin mester di terapia, Al Capone…”
Di Robert Redford el a conta cu no solamente su trabao como actor, sno tambe di apoyo na ine independiente for di e Instituto Sundance y su “Apoyo na Parkenan Nacional” di Merca, un trabao cu “no tin plannan di stop” cu su 80 aña.
Tom Hanks, di su parti, a presenta na e Mericanonan distinto “heroenan simpel”, segun e presidente, cu a describi e actor galardona simplemente como “un bon homber”, cu ta “e miho titulo cu uno por tin.”
Riba e humorista Ellen DeGeneres, conmovi te cu el a yora, ora di recoge e premio, Obama a destaca su “balentia” na anuncia cu e tabata lesbiana “20 aña pasa,” algo cu el a pasa basta malo durante un tempo na Hollywood pero tabata “importante pa e comunidad LGBT” y a haci cu hopi Mericano a repensa nan idea riba e tema.
Na turno di Diana Ross, el a destaca cu e grupo di soul cu e tabata lidera, “The Supremes”, a gana un luga permanente den historia di e pais y cu e exitoso cantante ta sigui eherce un influencia “ineludible” den musica di awendia.
Y asina mas persona a ricibi e galardon mas halto aki cu un civil Mericano por haya.