Elmar NV a tene un campaña, a saca avisonan bisando cu ta temporada di fli, pero pa por fabor pa keda leu di liñanan di alta tension. Sr. Robertico Koolman, director di NV Elmar ta amplia.
Durante e ultimo dianan, personal di NV Elmar mester a sali ya cu coriente a bay y nan ta bin haya fli den e kabelnan di alta tension. P’esey un yamada pa keda leu di e kabelnan aki, y e rabo di fli, pa no uza nada di metal.
Si acaso, accidentalmente, el a bay den e liña, por fabor yama NV Elmar, su personal di Storingsdienst ta bin bah’e, dun’e bek na su doño.
Hopi biaha un fli cu keda pega, e por causa un kortsluiting, y coriente ta bay. Problema ta cu si acaso e doño di fli mes bay purba kit’e, esaki ta trece su peligernan cun’e.
Storingsdienst di NV Elmar cu ta specialmente cu casonan asina di storing. Den caso asina lo kita e coriente pa un rato, y despues ora cu caba di kita e fli, ta pone e coriente bek.