Novavax, e speransa nobo contra coronavirus

This April 28, 2009 photo shows Novavax, a Rockville, Maryland, company that in 2005 turned its attention to flu vaccines, is testing cell-based technologies to enable it to produce a flu vaccine in as little as three months, half as long as traditional flu vaccine makers, which use an egg-based process. Shortening the process is key, because flu can mutate rapidly. As concern spread about a swine flu virus outbreak, investors saw opportunity in shares of companies that make or hope to make anti-flu drugs, with Novavax shares leap 80 percent. AFP PHOTO/Paul J. Richards (Photo by Paul J. RICHARDS / AFP)

E vacuna Novavax contra di Covid a pasa den lunanan di testnan clinico contra no solamente e coronavirus original pero tambe e variantenan nobo.

E compania fabricante cu tin su base na Maryland, a informa cu e vacuna di dos dosis ta rond di 90% efectivo y ta sigur, despues cu a test esaki riba casi 30 mil pashent.

“Actualmente nos ta repasando e informacionnan cu e financiadonan. FDA ta evaluando e datanan di siguridad y ta follow-up cu pashentnan cu a wordo vacuna na inicio di e aña’ki pa saca si nan tin datonan importante y despues duna resultado di eficiencia di e vacuna na publico general. Asina e pueblo lo tin un otro opcion pa COVID,” dr. Mark McKenzie, Regional Medical Director pa ClinSearch, a duna di conoce.

Recientemente Centro di Control di Malesa (CDC pa su abreviacion na Ingles) a anuncia cu e participantenan den Fase 3 di test clinico Novavax PREVENT-19, ta wordo considera completamente vacuna dos siman despues di a completa e ultimo dosis di e vacunacion.

E compania a informa cu nan tin planea pa busca autorisacion completo pa distribui e vacuna den e proximo lunanan, y nan enfoke lo bay ta riba e paisnan cu entrada abou y mediano.

“Sinembargo e ta un diferente tipo di vacuna. Moderna y Pfizer ta vacuna di e tipo mRNA, cu un fake DNA. Esaki ta cu proteina. E ta un tipo di vacuna manera esun cu ta uza pa griep, hepatitis, y HPV den pasado. Pero esaki ta un cu ta dirigi riba mundo. E lo ta disponibel pa e hendenan rond mundo, banda di loke cu tin aworaki. Nos ta spera cu e lo costa menos pa e paisnan cu no tin e recurso manera cu Merca si tin,” dr. McKenzie a bisa.

Dr. Mark McKenzie tin e speransa cu e di cuatro vacuna aki cu ta uno mas familiar (den e diferent tipo di vacunanan) – esnan cu ta sinti nan mes incomodo, lo por dicidi pa awo si haya nan vacuna.

Novavax cu ta un vacuna produci na Merca ta ofrece un proteccion di 100% contra casonan grave di COVID y lo por hunga un rol central den e campaña mundial di vacunacion.

Aunke el a yega despues di mas cu un aña di e pandemia, e speransa ta keda. Manera menciona, e lo por hunga un rol importante den vacunacion mundial. Esaki ta debi cu e tecnologia uza ta uno conoci, familiar, e formula ta efectivo, facil pa transporta y warda. Banda di esaki, por produci’e den cantidadnan grandi y den forma lihe.

Cu un efectividad di 90,4 por ciento, e vacuna NVX-CoV2373 ta pone su mes, segun datonan di e compania productor, na nivel di esnan prepara a base di RNAm manera BioNTech/Pfizer y Moderna. Entre esnan cu a ricibi e dos dosisnan di Novavax tabatin un 90 porciento menos di casonan di COVID-19 cu entre esnan cu no a wordo vacuna.

Pero e mas importante ta cu e vacuna a alcansa un 100% di proteccion contra casonan mediano y grave di e malesa.

Den e grupo vacuna durante e tes, tabatin 14 caso positivo y tur a haya sintomanan leve. Den e test a participa den Fase III 29.960 persona di 119 area na Merca y Mexico.

Segun datonan di e compania, Novavax ta, en general bon tolera pa e pashentnan. Solamente tabatin reaccionnan normal, manera dolor temporal den e zona cu a ricibi e hangua, dolor di cabes, dolor muscular y cansancio.

Ora cu a haci e estudio, na Mexico y Merca ya caba tabatin e variante Alfa y el a mustra di ta protege. Den e caso di e variante Beta, su eficacia a cay te na 49%. Pa e otro variantenan no tin informacion.

NVX-CoV2373 ta basa riba proteina, y e tin un particula chikito di e proteina Spike di coronavirus. E formula ta funciona mescos cu e vacunanan contra hepatitis B of Tetanus. Apesar di esey, Novavax tambe tin dos dosis.

Comments

comments