Novak Djokovic ta gana Roger Federer den un final dramatico di Wimbledon

LONDON, Gran Britania- E tenist Serbio Novak Djokovic a gana su di cinco titulo di Wimbledon ora cu el a vence e Suizo Roger Federer den un dramatico duelo di 5 set:7:6 (7:5), 1:6, 7:6 (7:4), 4:6, 13:12 (7:3). E partido intenso aki a dura 4 hora y 55 minuut, esun mas largo di e historia di e torneo cual a keda dicidi pa un “tie break”. 

Asina tambe Djokovic ta yega cerca di e cantidad di titulonan den Grand Slam di e Spaño Rafael Nadal, cu tin 18 ariba su nomber. 

Djokovic tabata tin mester di cuater ora y 55 minuut pa a impone su mes ariba e Suizo, e di dos den e serie pa  7-6 (7/5) 1-6, 7-6 (7/4), 4-6 y 13-12 (7-3), haciendo uzo pa prome biaha di un tie break, despues di cambio di reglanan di Wimbledon. 

E Serbio di 32 aña a salba dos punto di su partido pa gana su di 16 titulo di Grand Slam, colocando su mes na cuater di e record den categoria masculino di e mesun Federer, cu na augustus lo cumpli 38 aña. 

 

 

 

Comments

comments