ALICANTE, Spaña – E notorio comerciante di carni, Jan F., e siman aki a wordo gara na Spaña debi na un escandalo nobo di carni di cabay. Segun autoridadnan Spaño, e Hulandes di 67 aña ta lider di un banda di cabaynan enfermo y horta cu e ta laga sacrifica pa consumo humano. E carni ta posibel disponibel na Belgica, Italia, Romania, Hulanda y Francia , segun e corant Spaño, El Pais. Un total di 25 sospechoso a wordo aresta. Jan F. a wordo sentencia caba na Hulanda pasobra e tabata bende carni di cabay barata na un prijs hopi mas caro como carni di baca. Cabaynan e tabata importa nan for di Argentina y e carni tabata wordo bendi na Francia. E ganashi criminal cu e tabata haya ta rond di 2.6 miyon Euro. Su empresa Draap (bira pa Paard), a wordo asocia na 2013 cu e escandalo grandi di carni di cabay Europeo e tempo ey. Den varios pais Europeo mientras tanto, ta haya carni di cabay como cuminda cu e label di carni di baca.
Fuente: ANP