Notisia di polis di djaluna 3 di febrüari te ku djárason 5 di febrüari 2020

Boneiro: Riba djasabra promé di febrüari, alrededor di 1 or di mardugá, algun persona a aserka dos agente di polis ku tabata den nan tempu liber, na un manera agresivo na un establesimentu nokturno situá na Bulevar Gobernador Nicolaas Debrot. A menasa nan i tambe tira nan ku bòter. Un di e agentenan a hañ’e obligá pa a tira algun tiru di atvertensia ku su arma di servisio. No tabatin herido despues ku esaki a tuma lugá. Riba djaluna 3 di febrüari, riba òrdu di Ministerio Pùbliko, a detené un hòmber di inisial M.I.C. di 24 aña i un hòmber di inisial M.A.C. di 31 aña, en konekshon ku e kaso aki.

Riba djaluna 3 di febrüari a detené un hòmber di inisial R.J.J.W. di 31 aña i un hòmber di inisial H.M. St. J. di 42 aña en konekshon ku violashon di Lei di Arma BES i pa ladronisia di kabritu.

Riba djamars 4 di febrüari a tene un kontrol di tráfiko riba Kaya Korona, entre 5.15 or 6.50 or di atardi. E control tabata den kuadro di reibeweis, seguro i plachi di number bálido. Durante di e control a para 50 shofùr, di kua 8 a haña un but.

Riba e mesun dia, alrededor di 6 or di tardi a drenta keho di ladronisia na un bich di establesimentu di horeka situá na Bulevar Gobernador Nicolaas Debrot. Deskonosínan a bai ku un kámara di bou di awa GoPro Hero5, huntu ku su hus. E kámara tabata den un tas riba bich i na momentu ku e doño tabata snòrkel, deskonosínan a bai ku e tas.

Comments

comments