Noticianan policial for di Boneiro

Kralendijk Boneiro: Notisianan di polis di djárason 10 di òktober te ku djabièrnè 12 di òktober 2018
Riba djarason 10 di òktober 2018 a enkontrá un pekùp kima na altura di Kaya Flor de Cuba. E kolo i plachi di number di e vehíkulo no ta konosí ainda. Reshèrshe fòrensiko ta kondusí un investigashon den e kaso aki.
Riba djarason 10 di òktober un kiebro a tuma lugá den un akomodashon turístiko situa riba EEG Boulevard. E kiebro a tuma lugá entre 17.45 i 21.00or di anochi. E sospechosonan a bai ku entre otro un laptop di marka Apple, 2 tablèt i un flashlight di sambuya.
Riba djabièrnè 12 di òktober alrededor di 1.30 di mardugá, despues ku un outomobilista di a ignorá señal di polis pa para su vehíkulo, un persiguishon a tuma lugá den e bario di Nikkiboko Zuid. Na un dado momentu e sospechoso a kore baha for di e outo i a kore bai. Polis a konfiská e vehíkulo.

Comments

comments