Willemstad Curacao: Aki ta sigui algun informe policial di Curacao, detencion pa dispone di un arma di candela. Tambe detencion relaciona cu ladronicia. Y un intento di pega un cas na candela.
*******************
Detenshon pa violashon di Lei di Arma di Kandela
Djabièrnè 9 di yüni 2017, alrededor di 18.00 or, polis durante nan patruya den Koraal Specht, a para un outo ku dos persona den dje na altura di e krusada Kaya Stila/ Kaya Gobi. Durante kontrol polis a haña i konfiská un arma di kandela riba e okupante di e outo.
Polis a detené tantu e shofùr komo e okupante komo sospechoso pa violashon di lei di arma dikandela. Tatratadiehòmbernan:C.A.S.H.di20añadiedatiS.N.Q.di40añadiedat, ámbos nasé na Kòrsou.
Kontinuando ku e investigashon e tim di Mantenshon di Órden Públiko a tene dos entrada hudisial respektivamente na Kaya Tinashi i na Kaya Stila. Durante e investigashon den e kasnan no a haña nada di importansia pa e investigashon.
A presentá e sospechosonan dilanti un fiskal ouksiliar, despues di interogashon e hòmber S.N.Q. por a bai kas. Fiskal ouksiliar a ordená enkarselamentu di e sospechoso C.A.S.H. pendiente mas investigashon.
E investigashon den e kaso aki ta kontinuá.
************************
Detenshon relashoná ku ladronisia
Djasabra 10 di yüni 2017, alrededor di 02.09 or di mardugá, Sentral di Polis a risibí notifikashon ku dos (2) hòmber riba baiskel a forsa porta di un outo ku tabata stashoná riba Ala Blancaweg. E hòmbernan aki a habri e porta i kue artíkulo for di den e outo bai kuné. Durante di un búskeda den e área polis a señalá dos (2) hòmber ku ta kuadra ku e deskripshon di e sospechosonan ku un ratu promé a forsa e outo manera ariba menshoná, riba George Maduroweg.
Polis a detené e dos sospechosonan aki. Ta trata di e hòmbernan: D.C.J. di 20 aña di edat i A.St.J. di 22 aña di edat, ámbos nasé na Kòrsou. Polis a konfiská e baiskelnan pa mas investigashon.
A presentá e sospechosonan dilanti un fiskal ouksiliar ku a ordená nan enkarselamentu pendiente di mas investigashon.
E investigashon den a kaso aki ta kontinuá.
**************************
Intento di pega kas na kandela
Djasabra 10 di yüni 2017, alrededor di 02.45 or di mardugá, Sentral di Polis a risibí notifikashon ku deskonosínan a trata di sende un kas na Sorsaka na kandela.
For di un investigashon preliminar ku e patruya ku a yega na e sitio a realisá nan a bin komprendé di e abitantenan di kas ku deskonosínan a tira un òf mas “molotov Coctail” un ratu promé den un di nan kambernan. Dor di esaki un kama den e kamber a pega kandela. E abitantenan di e kas mes a paga e kandela.
Polis a konfiská algun opheto ku ta importansia pa e investigashon. E kaso ta den investigashon.