Aki ta sigui relato di varios noticia di sucedido cu a pasa na Boneiro:
Ladronisia for di outo
Riba djaluna 12 di desèmber a drenta keho di ladronisia for di den un outo ku tabata stashoná na un kas situá na Kaya Macario (Cai) Sint Jago. A bai ku entre otro un kargadó di telefòn, un set di ‘utensils’ pa BBQ kuné, un tas di lomba di marka Jansport i ‘keyboard’ blanku di marka Samsung pa tablet. E ladronisia a tuma lugá entre awe mardugá 00.45 or i awe mainta 7.15 or. Ta investigando e kaso.
Outo na kandela na Kaya Sioux
Riba djadumingu 11 di desèmber sentral di polis a risibí notifikashon ku mester tabatin un outo na kandela na un kas situá na Kaya Sioux. A resultá di ta un pikòp bieu ku tabata na kandela ku hopi desaroyo di huma komo konsekuensia. Kousa di e kandela no ta konosí.
Kiebro den kas na Kaya Macario Sint Jago
Riba djasabra 10 di desèmber a drenta keho di ladronisia den un kas situá na Kaya Macario Sint Jago. A bai ku entre otro un lèptòp i un telefòn selular. Ta investigando e kaso.
Aksidente riba Kaminda Tra’i Montaña
Riba djabièrnè 9 di desèmber un aksidente a tuma lugá riba Kaminda Tra’i Montaña. Pa motibunan deskonosí un outo tabata di bòltu den mondi. Shofùr di e outo tabata keha di doló na su pechu i a transporte ku ambulans pa hospital pa kontrol i tratamentu médiko.
Ladronisianan na sitionan di sambuyá
Wikènt tras di lomba a drenta keho di ladronisia na vários sitionan di sambuyá. Entre otro 1000 stèp, Red Slave i Nukove. Ta investigando e kasonan.