Notisia di polis di djárason 6 di yüli te ku djabièrnè 8 di yüli 2022
Detenshon
Alrededor di 1.30 or di mardugá riba djaweps 7 di yüli a detené un hòmber di inisial J.R.E.V. di 18 aña na Kaya J.N.E. Craane en konekshon ku manehá bou di influensia di alkohòl. Un patruya a mira e sospechoso, ku tabata koriendo riba un skuter kore den ‘verboden’ drenta un kaya. A dun’e òrdu pa para na kua na promé instante e no a duna oido i a sigui kore. Algu mas leu a oblig’é pa para ku konsekuensia ku el a kai. A detené i a hib’e e i su skuter warda di polis. Aki a hasi un análisis di rosea ku e sospechoso i personal di ambulans a chek e.
Bringamentu
Riba djaweps 6 di yüli sentral di polis a risibí notifikashon di un kaso di bringamentu na un establesimentu di hóreka situá na Kaya Grandi. Na yegada di patruya tabatin un hòmber benta abou ku probablemente un repchi kibra. Ambulans a transporte pa hospital pa tratamentu médiko. Ta investigando e kaso.
A haña kurpa sin bida den kas
Alrededor di 1 or di mèrdia riba djárason 6 di yüli, sentral di polis a risibí notifikashon ku mester a haña un persona ku no tabata duna señal di bida den un kompleho di apartamentu situá na Belnem. Dòkter ku a bin na e sitio a konstatá morto di e hòmber di inisial M.B. nasé riba 28 di aprel 1978 na Hulanda. A konfiská e kurpa pa investigashon mas aleu.