Kralendijk Bonerio:
Kachó deskuidá
Riba djaluna 16 di mei alrededor di 10:55’or di mainta, sentral di polis a risibí notifikashon di Dierenbescherming tokante di un kachó gravemente deskuidá na un bibienda den bario di Antriol. Doño di e kachó a risibí vários atvertensia di Dierenbescherming, pero no a tuma akshon pa mehorá situashon di e kachó. Komo konsekuensia di esaki Dierenbescherming a tuma e kachó den beslag. KPCN a duna sosten durante di e akshon aki.
Menasa ku kuchú
Sentral di polis riba djaluna 16 di mei alrededor di 8:05’or di anochi a risibí notifikashon di menasa ku kuchú na un bar/restorant den e bario Antriol. Polis a tuma deklarashon di un kliente ku tabata testigu di e suseso i tambe un denunsia di e víktima enbolbí. E kaso ta bou di investigashon.
Detenshon
Riba djaluna 16 di mei 2022 a detené un hòmber di 19 aña di inisial J. J. J. Y. E. A. pa no kumpli ku òrdu ofisial di polis i pa karga un arma den públiko. E kaso ta bou di investigashon.
Entrada hudisial i vários detenshon pa benta di droga for di un bibienda den e bario Antriol
Riba djamars 17 di mei 2022 KPCN den kolaborashon ku KMAR a tuma medida kontra di benta di supstansia prohibí for di un bibienda den e bario Antriol. A detené dos (2) konsumidó di supstansia prohibí, na unda despues a hasi un entrada hudisial. Durante di e entrada hudisial a topa ku plaka i supstansia prohibí i a konfiská esaki. Den e bibienda a detené tres (3) otro sospechoso. Reshèrshi, KPCN, RST i KMAR ta ehekutá e investigashon den e kaso aki.
Destrukshon di porta di bibienda
Riba djamars 17 di mei 2022 alrededor di 5:55’or di atardi, sentral di polis a risibí notifikashon di destrukshon. E residente a hasi denunsia di esaki pa motibu ku a distruí dos glas di su porta di patras ku piedra. Ta investigando e kaso.
Sint Eustatius:
Maltrato den públiko (asalto públiko)
Riba djamars 17 di mei 2022 alrededor di 8’or di anochi, tres persona a maltratá un hòmber. A dal i skòp e víktima vários bia. A hasi denunsia di esaki i e kaso ta bou di investigashon.