Noticia Policial Boneiro 22 te cu 24 di maart 2021

Boneiro: Notisia di polis di djaluna 22 di mart te ku djárason 24 di mart 2021

Ladronisia di skuter
Riba djamars 23 di mart a drenta keho di ladronisia di un skuter. Shofùr di e skuter a haña un flèt tayer despues ku el a kore dal den un buraku riba Bulevar E.E.G. El a mara e skuter pa medio di un lòk di kadena na un palu pa atendé kuné despues. Na momentu ku a bai pa buska e skuter, e skuter no tabata mas kaminda a lag’e. Ta trata di un skuter kolo pretu/blou kla, di marka Yamaha, modèl ZRX, numerá MF-2144. Ta investigando e kaso.
Aktonan baldadi durante toke di keda
Durante di e kontrolnan den kuadro di kumplimentu ku e toke di keda riba djaluna 22 i djamars 23 di mart, polis a konstatá ku intenshonalmente tabata kometé aktonan pa stroba trabounan di polis. Asina tabatin por ehèmpel sendementu di kandela na Kaya Korona, na Kaya Tapajos i na Sentro di Bario Tera Kòrá.

A detené dos damsita ku tabata koriendo baiskel despues ku toke di keda a inisiá. Ta trata di e damsitanan di inisial T.J.N. di 16 aña i D.V.C.N. di 18 aña. A detené un terser persona, un hòmber di inisial M.M. di 20 aña, pa sendementu di kandela, pa resistensia durante su detenshon, pa no duna oido na òrdu di polis i pa aktonan baldadi.

E kòntròlnan riba kumplimentu ku e toke di keda ta kontinuá i si ta nesesario polis lo duna prosès ferbal òf hasi detenshon na momentu ku trata di kasonan kastigabel.

Comments

comments