Shurman Milliard, Trahador Social na Telefon pa Hubentud ta conta nos cu for di aña pasa e fundacion a cuminsa traha cu diferente tareanan y un di esakinan cu ta wordo haci tur 20 di November – cual ta e dia cu e fundacion ta haci aña – ta scohe ki proyecto ta bay p’e despues. Pa 2020 nan tabata tin 2 proyecto grandi cu Unicef Nederland cu tin di haber cu derechonan di mucha. Un cos cu a bin hopi dilanti por medio di e hobennan mes ta e tema di igualdad.
Nan ta wak cu door di e temporada di pandemia na Aruba, nos a wak cu nos ta hopi mas comun di loke hende ta pensa. “Nos tabata pensa cu nan ta diferente pasobra ta di otro religion of pais of pensamento, pero door di e temporada aki nos a uni, diferente bario a bin hopi cerca di otro y diferente hende a bini hunto,” segun sr. Milliard. Anto p’esey e aña cu ta bin lo enfoca mas riba e tema di igualdad, cu tin diferente area, pais y religion, como tambe color di cuero y cultura. “Nos tur ta riba un isla chikito anto nos tur mester sa con nos tur ta diferente, pasobra e diferencia ta trece nos mas hunto,” segun sr. Milliard.
Tin diferente charla, workshops y partners den e veld Social na Aruba cu ta bay yuda, pero vooral riba e tema di igualdad ta loke lo bay pone un tiki mas atencion riba dje pa 2021. Igualdad ta algo cu e fundacion aki semper a pone enfasis riba dje den tur proyecto kier ta diverso. Por ehempel den nan Jongere Raad/Bestuur ta eigenlijk hoben, dos mucha muhe y dos mucha homber, ta buscando un hende di Noord, di San Nicolas, Dakota, pa tin diferente diversidad.
“Ora nos tin diferente proyecto nos nunca ta bay den un bario manera por ehempel cu proyecto di Unicef Kinderrechtfilm festival, nos a cuminsa cu un scol na San Nicolas, despues Savaneta, Dakota y Noord, den tur bario pasobra nos kier pa Aruba haya e informacion pasobra esey ta nos isla, diversidad, y nos kier pa esaki bini mas dilanti pa nos uni mas.”