TECNOLOGIA
Ya na 2016, prome cu e eleccionnan presidencial Mericano, e tecnologo principal di e Centro pa Responsabilidad di Rednan Social di e Universidad di Michigan, Aviv Ovadya, a adverti tecnologonan importante di un crisis inminente di noticianan falso.
E tempo ey, e experto a argumenta cu e ecosistema di informacion desaroya ariba internet tabata poco saludabel. Segun su punto di bista, plataformanan manera Facebook, Twitter y Google ta duna prioridad na clicknan, publicidad y placa prome cu e calidd di informacion. Ovadya a compronde cu e situacion a cuminsa bira peligros. Sin embargo, su presentación a wordo ignora pa e gigantenan tecnologico.
Despues Ovadya a ripara cu “un mundo optimalisa algoritmicamente ta vulnerabel na propaganda y informacion robes”, algo cu ta menasa di “destrui un piedra angular di e discurso humano: e credibilidad di e hechonan”. Awo, e tecnologo ta adverti di un futuro “distopico alarmante” yena cu noticianan falso y campaña di desinformacion asisti pa inteligencia artificial”, segun BuzzFeed.
“Nos ta mas cerca di loke nos mes ta pensa di un potencial ‘infocalipsis’, Ovadya ta sigui bisa, y e ta sigura cu ta necesario pa ta alarmista riba e asunto aki, ya cu e ta birando pio.
E futuro amenazante, segun Ovadya, lo yega cu e ayudo di un serie di toolnan tecnologico facil pa uza pa manipula e percepcion y falsifica e realidad, ya cu e tecnologia cu por wordo uza por mehora y distorsiona e evolucion real mas lihe cu nos capacidad pa compronde, control’e of suavis’e.
E tecnologo ta sigui bisa cu e toolnan di desaroyo rapido di inteligencia artificial, siñamento automatico y tecnologia di realidad aumenta por wordo secuestra y uza pa personanan cu mal intencion pa imita e ser humano y cuminsa un guerra di informacion.
Esaki por conduci na loke Ovadya ta yama “indiferencia pa e realidad”, ora cu personan simplemente lo cansa di e desinformacion constante. “Hende ta stop di pone atencion na noticia y e nivel fundamental di informacion rekeri pa un democracia funcional ta bira instabiel”, e experto a indica.
Fuente: https://actualidad.rt.com