“Nos a perde tur cos. Ki speransa nos por tin si nos no por drenta Merca?”, e Cubano Jose Enrique Manresa a puntra, tur angustia.
E homber di 47 aña, a caba di haya sa cu ocho dia prome cu e final di su gobierno, Presidente Mericano, Barack Obama a pone un fin na tur e privilegionan migratorio di Cubanonan cu por keda na Merca sin mester di un visa.
Ocho dia Jose Enrique tabata tin sperando pa por pisa suelo Mericano, despues di un biahe di 48 aña door di Sur- America, Centro- America y Mexico hunto cu su yiu, Arianne.
“Tur loke nos a haci, tur loke nos a pasa aden, riesgando nos bida, nos salud”, Manresa a declara via telefon desde un shelter “Jesús, el Buen Pastor” na Tapachula, den Zuid- Oost di Mexico.
Manresa tabata eynan, hunto cu otro 20 Cubano, ora cu el a haya sa di e noticia.