Den conexion cu dia mundial di Wetland y e serie di entrevistanan cu Ministerio di Infrastructura y medio Ambiente a tene cu diferente persona cu di un of otro forma ta relaciona cu e topico, a entrevista ambientalista di StimAruba sra. Olinda Rasmijn.
Sra. Rasmijn a amplia riba e e falta di conscientisacion cu tin actualmente pa e diferente uzo y balor di wetlands pa e ser humano. “Vegetacion costal ta importante pasobra na canto di e lama ta haya cu diferente piscanan chikito ta bay sconde den e reis di e matanan. Tambe ta hay barbuletnan y yerbenan cu por come por ehempel cu ta solamente presente na e sitionan aki. Sra. Rasmijn ta splica cu esaki kisas ta zona straño na Aruba, pero e ta normal na otro paisnan unda cu hende ta biba mas tanto canto di awa. Den wetlands di awa dushi ta haya pisca cual na diferente ocasion ta mira cu hende ta bay pisca. Tambe ta haya piscanan na otro wetlands cu antes tabata wordo uza como haas pa pisca y e yerbenan tambe tabata wordo uza pa pisca. Antes hende no tabata cumpra tanto cos, sinembargo tabata haci uzo di locual cu tabata disponibel di natiralesa.
Na Aruba falta hopi conscientisacion ainda pa loke ta Wetlands y e importancia di vegetacion costal, consecuentemente hopi di e matanan aki a wordo destrui y mester wordo drecha. Nos mester bay bek na haci uzo di nos naturalesa y tambe cuida nos naturalesa, sra. Rasmijn a enfatisa.