Riba tereno internacional organisacionnan criminal organisa, ta sigui tecnologianan avansa pa asina por haci nan actonan. Cuerponan Policial, no solamente di Caribe, pero tambe mundial, ta haciendo uzo di tecnologianan y si den e expo si mira bon bon, con avansa e tecnologia a bira cu Cuerponan policial y tambe esun di Aruba lo bay haci uzo di avansenan tecnico, tecnologia hopi avansa, pa asina por haci trabao di polis hopi mas efectivo. Informacion ta e centro di e trabao di polis y esaki tambe ta wordo enfatiza door di e presencia di companianan internacional grandi cu ta basa full nan funcionamento riba desaroyo di tecnologia avansa pa yuda cuerponan policial, segun comisario, Trudy Hassel.
E ta sigui splica cu primeramente hopi cos ta cay riba prevencion. Cuerpo policial, mediante di e departamento di informacion, tin añanan largo ta informa publico con nan mes por ta proactivo pa preveni cierto cosnan pasa.
Si ta bay cu bo auto, ta lag’e habri cu bo tas aden, bo no por kere cu un hende cu ta pasa cu menos bon intencion, no ta bay habri e porta pa bay cu e tas.
Abo mes, por haci cierto cosnan pa preveni cu cierto cosnan ta pasa, segun Hassel. Cuerponan di polis ta purba pa informa y educa hendenan pa nan mes yuda polis tambe pa preveni criminalidad. E ta un esfuerso conhunto. E ta un esfuerso cu no ta para pa Cuerponan policial, pero cada ciudadano mester cuminsa enfoca riba e parti eynan. Naturalmente e topico di criminalidad tin un enfoke hopi mas grandi cu solamente cuerponan di polis. E ta un enfoke di cada pais cu mester tin un prioridad. Sin trankilidad cu hopi criminalidad, nos ningun no por funciona optimal.