Nos hobennan ta pasando sumamente bon na West Virginia, caminda tin otro edicion di World Scouting Jamboeree. Manera ta conoci Aruba tin un delegacion participando na e evento grandi aki caminda tin aglomeracion di mas di 50 mil hoben di tur rond mundo. Awe nos muchanan a logra haci cuminda y nan tabatin bishita di algun miembro di e delegacion di Canada cu a bin saborea e dushi cuminda cu nos hobenan a prepara. Tambe henter nos delegacion a come bariga jen y ta cla pa sigui cu nan participacion na e diferente actividadnan durante e World Scouting Jamboeree 2019. Nos kier bisa tur hende cu nos hobennan ta bon y mas cu tur cos ta pasando hopi bon tambe y ta gozando di tur oportunidad cu nan ta hayando y mas cu tur cos conociendo y serando amistad cu otro hoben di rond mundo den e mundo di Scouting.