Diahuebs den un programa special na Power 101.7 FM tawatin como invitado especial nos hereo Shariska Winterdal. Un edicion unico di radio conduci pa Greg Croes, Nen Flores y Aldrick Alexander unda cu Shariska a hanja e oportunidad di conta di tur e detayenan cu a bai den e recorido historico di 500 kilometer rond di pais Aruba ariba bais pa un bon causa, stichting Frank Polanco.
Nos lo wak back ariba un evento como uno historico. E ser femenino na Aruba a pone su stempel den 2018. Gwendolin Kock hunto cu “Crossing for Hope” a landa di Venezuela pa Aruba y awor Shariska Winterdal ta logra un hazanja ariba bais pa un total 500km pa mas di 24 ora sigui.
Nos hobenan tin nan hereonan local y especialmente e mucha muhernan cu por mira ehempel bibo di logronan grandi.
Nos di Sports Zone Aruba no por a laga e oportunidad aki pasa di reconoce e atleta Shariska Winterdal, cu un hazaña cu lo keda pa semper den historia di deporte aki na Aruba.