Hopi hende cu ta core riba caminda ta sinta cu nos camindanan no ta keda marca y esaki pa trafico tin ora tin su peliger cun’e pa cual aki director di DOW Sr. Marlon Croes ta splica mas di e retonan cu DOW tin dor di nos clima y mas otro factornan cu ta hunga un rol.
Sr, Croes ta splica cu esaki ta un materia cu e ultimo 30 aña caba ta den discusion. E mes tin 28 aña na DOW y semper esey tabata un discusion. Nan a yega di test diferente tipo di verf y diferente tipo di material. Ora di bay congresonan afo, esaki tambe ta bin dilanti.
Ta e salpeter y tambe e cantidad di stof, e cantidad di awa cu ta haya pa dia. Por ehempel, na Inglatera ora di marca caminda, awa ta yobe practicamente tur dia un tiki, e ta haci’e limpi. Pero na Aruba bo tin piedra, santo, tire di auto cu ta pasa ariba dje. E ta un schuureffect cu ta erodeer e marcacion di caminda bay cun’e.
DOW a purba na diferente forma, p.e. na e spiraal rotonde na Airport a uza thermoplast cu bo ta pone 90 mil di wegmarkering, cu un material cu ta wak’e bon di anochi. Pero despues di tres luna, el a blikia atrobe. Ariba Green Corridor nan a uza un otro tipo di verf, cu anochi ta duna un reflexion hopi mas halto cu ta dunando. Lo wak si e ta duna bon resultado pa e Green Corridor, lo uza esaki pa e otro camindanan tambe, segun Sr. Marlon Croes, director di DOW.