RALEIGH, (NC), Merca – Horcan Florence a fortalece dialuna na horcan categoria 4 potencialmente catastrofico mientras cu e ta acercando North Carolina y South Carolina, biento y awa cu lo por causa un caos den un amplio estrecho di e costa oost di Merca den e proximo dianan.
Gobernador di South Carolina, Henry McMaster a duna ordo di evacuacion obligatorio cuminsando diamars merdia pa ocho condado na e costa. E orden ta aplicabel pa e condadonan Jasper, Beaufort, Colleton, Charleston, Dorchester, Georgetown, Horry y Berkeley.
McMaster a bisa cu e olanan lo por yega te na 3 m di altura y cu mas o menos 1 miyon residente a bandona a area costero.
Gobernador ya caba a declara estado di emergencia na South Carolina y a pidi president Trumo un declaracion federal prome cu e yegada di e tormenta.
Mientras, e prome impactonan di Florence ya caba por wordo sinti riba e islanan dilanti costa, unda cu e nivel di lama ta yega te na un caminda banda di costa.
Pa merdia, Florence a intensifica na tormenta categoria 4 ora el a yega na bientonan maximo sosteni di 195 km/h. Su centro tabata na 1985 km (1230 miya) west- zuidwest di Cape Fear, North Carolina y ta bayendo west na 20 km/h (13 mph), segun e National Hurricane Center. Su centro lo pasa ariba Bahamas y Bermuda diamars y diaranson. E lo yega cerca e costa di South y North Carolina diahuebs.
Di otro banda, Isaac, cu lo por golpia e islanan di Caribe, ta e di cinco horcan cu nomber den e temporada di 2018 den Atlantico, e centro a agrega. Despues di Isaac, ta bin Helene, mas leu den e mesun oceano.
Autoridadnan no ta lagando nada pa suerte y gobernadornan di e dos Carolinanan y Virgina a declara estado di emergencia di antemano.
Ta ser pensa cu Florence lo por tarda su avanza y incluso keda cerca di e costa, desplansando cantidadnan grandi di awa di lama.
Algun modelo meteorológico ta mustra te cu 60 cm (24 inch) di awasero na algun luga, causando inundacionnan devastador.
Barconan di Marina na costa di Virgina a desvia di ruta di e horcan fuerte aki, un universidad di North Carolina a cancela lesnan y hopi persona a cumisna recoge plywood, awa y otro productonan den espera di Florence, cu ainda no a yega. Mirando cu e tabata zuidoost di Bermuda.
Banderanan cora ya caba ta poni riba e beachnan, advirtiendo e personanan pa no drenta awa. Habitantenan a pura pa prepara su suministronan di emergencia, prepara rutanan di escape, yena saconan di tera y proteha su vivienda.
Na Charleston, na e costa di South Carolina, autoridadnan municipal a ofrece saconan di tera na habitantenan. E alcaldesa di e Myrtle Beach Brenda a haci un yamada na e su habitantenan pa proteha nan viviendanan, pero a bisa cu ainda ta mucho trempan pa sa si lo tin evacuacionnan.
Tienda y hardware storenan na Myrtle Beach tabata druk cu benta di awa den boter, generator y plywood.
Na North Carolina, autoridadnan tabata preparando bulldozer y zaag.North